Reformimi i partive politike dhe ardhja në krye të tyre e intelektualëve, nuk është më pak i rëndësishëm se dekriminalizimi. Deputetja e PS Mira Shehu në një shkrim të saj, ka hedhur idenë e përmirësimit të përfaqësimit të elitës politike nga të rinj të kualifikuar.
Duhet të jenë të rinjtë kandidaturat e reja për deputetë, kryetar bashkie apo dhe drejtues institucionesh cilësorë. Vetëm personazhe të rinj me dëshirë për të punuar, do të bënin më mirë punën e tyre duke lënë pas në histori, kulturën e shitjes së pozicioneve të punës apo shërbimeve të shtetit dhe më keq akoma të pushtimit të vendeve të punës me të paaftë.
Sipas Shehut një shembull mjaft i mirë është edhe reformimi i PS në Vlorë dhe Gjirokastër ku me qindra djem dhe vajza të shkolluar trefishuan anëtarësimet. Edhe pse do të jetë e vështirë për këta të rinjë të pranohen në skënën politike, kthim prapa nuk mund të ketë, për sa kohë ndryshimin e kërkon koha dhe njerëzit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
