Në studion e emisionit “Të Paekspozuarit” gazetarët Andi Bushati dhe Neritan Sejamini komentuan intervistën e kryeministrit Rama, për Financial Times, në të cilën Kosovës iu referua si “toka e askujt”. Bushati tha se një cilësim i tillë është shuëm i rëndë, ndërsa Sejamini tha se një pjesë e qëndrimevetë Ramës vijnë nga interesi që kanë të huajt për Shqipërinë.
Bushati: Nuk është puna te nacionalizmi folklorik. Imagjino një lider palestinez arab të thoshte për një pjesë të Çisjordanisë “është tokë e askujt”. Ishte i vrarë për një javë. Ky thotë për një tokë të Kosovës është tokë e askujt. Është shumë e rëndë!
Sejamini: Serbët në Kosovë janë nënshtetas të Kosovës. Këtu ka dhe një përshtypje sikur... ata janë nënshtetas të Kosovës, si minoriteti ynë grek janë nënshtetas të Shqipërisë. Po nuk e pranuan ata Kosovën, çfarë kuptimi ka të flasim pastaj?
Bushati: E bukura ishin fjalimet copy paste të Elisave që përsëriteshin që thoshin sa gjëra të bukura ka bërë Rama për Kosovën. Ajo ishte qesharakja e kësaj seance.
Sejamini: Ky është pragmatizëm. Me udhëheqësin duhet ta mbash mirë. Por një pjesë e qëndrimeve që ai mban vjen nga interesi që kanë të huajt për Shqipërinë. Rama e kupton këtë nevojë dhe i shërben kësaj nevoje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
