Haka voton në Dibër: Duhet të kemi kryetar që s’kontrollohet nga Tirana

Për zgjedhjet vendore në Dibër ka votuar kandidati i PD për bashkinë Dibër, Luan Haka.

 Në një prononcim për mediat, Haka tha se Dibres i ka ardhur koha “që të ketë një kryetar bashkie dhe jo një kryetar bashkie qe drejtohet nga Tirana, nga ministra dhe drejtore ne Tirane”.

 Sapo votova, dhashë një votë për Dibrën dhe për dibranët. E nesërmja do të jetë më ndryshe. Mendoj se Dibrës i ka ardhur koha qe të ketë një kryetar bashkie dhe jo një kryetar bashkie qe drejtohet nga Tirana, nga ministra dhe drejtorë në Tiranë. Në Lurë sot nuk shkojnë dot për të votuar sepse nuk ka rrugë. Sikur ato lekë që kanë harxhuar në këto ditë nga ministra dhe drejtore sot Lura do të kishte një ditë ndryshe. Fitore për PD!.

 Duke folur për problematikat e hasura deri me tani ne procesin e votimit, kandidati i PD tha se janë konstatuar shkeljet para zgjedhjeve.

 PS dje ka shpërndarë ndihmë ekonomike duke dhënë militanteve lekë për zgjedhjet. Të gjitha komunat nga Sllava, Arrazi, Luzni dhe Maqellare. Faktet konkrete kemi bërë denoncime ne SPAK. Ditët në vijim do jetë çdo gjë transparente”.