Policia e Shtetit i ka kthyer përgjigje refuzuese kërkesës së Partisë Demokratike, për protestën e 6 dhjetorit në Bulevardin Dëshmorët e Kombit, para Kryeministrisë.
Një gjë të tillë e paralajmëroi në mesditë kryetari i PD, Sali Berisha i cili garantoi se pavarësisht nga vendimi i policisë, protesta e opozitës do të zhvillohet.
Në shkresën që i është drejtuar Partisë Demokratike e cila mban firmën e drejtorit të Policisë së Tiranës, Lorenc Panganika, theksohet se në 6 dhjetor, në Tiranë, do të zhvillohet Samiti i Bashkimit Europian për Ballkanin Perëndimor dhe për këtë arsye do të bllokohen disa prej segmenteve rrugore për arsye sigurie, përfshirë edhe Bulevardin Dëshmorët e Kombit dhe sheshin 'Nënë Tereza'.
Policia i kërkon PD-së të protestojë në një vend alternativ, jashtë perimetrit të sigurisë atë ditë.
MCN TV
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
