Kreu i KQZ Ilirjan Celibashi u pyet mbi situatën në Himarë, ku fitoi kandidati koalicionit “Bashkë Fitojmë” Fredi Beleri, i cili është arrestuar me akuzën për blerje votash.
Celibashi tha se ai është kandidat fitues, duke shtuar se situata juridiko-penale s’ka të bëjë me procesin zgjedhor.
“Ai është kandidat fitues. Nëse nuk do ketë kontestime dhe do të konfirmohet ky rezultat që është shpallur deri tani ai konsiderohet i zgjedhur, i mandatuar për të qenë kryetari i bashkinë. Situata e tij juridiko penale nuk ka të bëjë me procesin zgjedhor, të paktën në momentin kur ne jemi duke folur. Më tej do të flasim nëse do të ketë zhvillime të reja”, deklaroi Celibashi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
