Agron Shehaj, ish-kandidati për kryetar i Partisë Demokratike, përmes një postimi në rrjete sociale ka denoncuar se një nga vëzhgueset e tij është dhunuar dhe përzënë nga qendra.
Shehaj thotë se ky veprim u bë nga kryetari i degës nr.5 në Tiranë, vetëm për faktin se ishte njëra nga vëzhgueset e tij në zgjedhjet për kryetar të PD-së.
“Enkeleda Çela është demokrate e orëve të para. Më 13 Qershor, Enka u dhunua nga Kryetari i Degës nr 5 në Tiranë dhe u përzu nga qendra e votimit vetëm sepse ishte vëzhguese e imja”.
Sipas tij, ajo u përzu sepse ka kërkuar të sigurojë zgjedhje të drejta brenda partisë.
Shehaj, shprehet se PD mund të bëhet fituese, vetëm nëse është e lirë dhe demokratike.
“Shumë demokratë të tjerë më kanë dëshmuar se janë përjashtuar nga e drejta për të votuar.
Jam pranë tyre dhe do bëj çdo gjë që mundem që zëri i tyre të dëgjohet. Partia Demokratike lindi si partia e lirisë dhe mund të bëhet fituese vetëm nëse është e lirë dhe demokratike”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
