Anëtarët e Asamblesë së Partisë Socialiste votëbesuan këtë të shtunë dhe anëtarët e Sekretariatit të kësaj partie.
Në total votuan 284 anëtarë Asambleje nga 342 anëtarë. Nga votimi rezultoi se të gjithë sekretarët aktualë rimorën besimin e anëtarëve të Asamblesë për të vijuar detyrën e tyre.
Blendi Klosi do të vijojë detyrën si Sekretar Organizativ, Etjen Xhafaj si Sekretar Dixhital, Anila Denaj si Sekretare e Burimeve Njerëzore, Etilda Gjonaj Sekretare e Gruas, Romina Kuko si Sekretare e Marrëdhënieve me Jashtë.
Në Kongresin e sotëm u propozuan dhe votëbesuan 3 sekretarët e tre sekretariateve të rinj që do drejtohen nga Blerina Gjylameti, Eridian Salianji dhe Lart Duraj të cilët morën po ashtu votbesimin, Blerina Gjylameti si Sekretare për Koordinimin, Eridian Salianji mori besimin si Sekretar për Çështjet Zgjedhore dhe Ligjore dhe Laert Duraj është votëbesuar për të detyrën si Sekretar për Diasporën.
Blendi Klosi 280 vota
Eridian Salianji 262 vota
Etjen Xhafaj 259 vota
Blerina Gjylameti 258 vota
Laert Duraj 256 vota
Etilda Gjonaj 255 vota
Anila Denaj 251 vota
Romina Kuko 248 vota
Me 277 vota pro, është votëbesuar edhe Damian Gjiknuri për të vijuar detyrën e tij si Sekretar i Përgjithshëm i Partisë Socialiste. Ditën e sotme 284 anëtare Asambleje nga 342 në total kanë votuar për të votëbesuar Sekretarin e Përgjithshëm si dhe Sekretariatin e PS.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
