Rama: Shqipëria e vitit 2030 do të këtë ofertë turistike spektakolare në transport

Kemi fiksuar edhe vitin 2030 si një pikë ku jo vetëm transformimi i vendit do të bëhet i pakthyeshëm, po ku Shqipëria pa asnjë dyshim do të rrezatojë në këtë rajon shëmbëlltyrën e një vendi që është Europa e Ballkanit.

Kemi një sezon të ri që hapet me disa vepra të mëdha të infrastrukturës që i vihen në dispozicion udhëtarëve dhe turistëve duke filluar nga tuneli i Llogorasë, i cili këtë sezon do të jetë i kalueshëm për ata që do të shkojnë në jug apo që do të vijnë nga jugu duke vazhduar me rrugën Orikum-Dukat që zbulon një tjetër pjesë të panjohur.

Për të nisur me aksin Thumanë-Kashar një aks i rëndësishëm përveç prurjes së makina nga Tirana për në jug bëhet e papërballueshme.

Vjet ka qenë një torturë për udhëtarët por njëkohësisht ky aks është pjesë e korridorit blu. Ishte një tjetër ide shumë e përqeshur ku ne e prezantuam para se të vinim në qeveri.

Sot jo vetëm është një korridor i miratuar, por është dhe një korridor që po ndërtohet. Aksi Thumanë-Kashar përfundon një nga segmentet e tij.

Hapim garën në fund të këtij muaji për Milot-Balldren dhe pastaj Balldren-Muriqan për të bërë lidhjen e me Malin e Zi.

Kjo infrastrukturë do të jetë e përfunduar brenda dekadës. Shqipëria e vitit 2030 do të këtë një ofertë turistike spektakolare në aspektin e transportit.

Në vijim kreu i qeverisë shtoi se aeroporti i Vlorës sipas të gjitha gjasave do të përfundojë punimet brenda këtij viti dhe se do të kalojë në periudhën e testit dhe certifikimeve në 6 mujorin e vitit të ardhshëm.

Do të jetë operacional në sezonin ardhshëm turistik me një operator, që është aeroporti i Mynihut.

Do të hapte gara edhe për aeroportin e Gjirokastrës.