Shtatë deputetë të rinj i bashkohen opozitës, Bindja Demokratike hyn në Parlament (VIDEO)

Shtatë deputetë të rinj i bashkohen opozitës. Në seancën e sotme janë betuar deputetët e rinj, të cilët kanë marrë mandatet e PD-së dhe LSI-së. 

Kështu, 6 deputetë të rinj i bashkohen grupit parlamentar demokrat të drejtuar nga Rudina Hajdari dhe një tjetër i bashkohet atij të LSI-së.  

Mes tyre deputetëve të rinj është edhe Andi Përmeti, një prej themeluesve të partisë më të re Bindja Demokratike.

Më 23 prill, kjo parti dorëzoi në Gjykatën e Tiranës kërkesën për regjistrim si forcë politike dhe më pas vendimi kalon në KQZ për tu regjistruar në zgjedhjet vendore të 30 qershorit.

1. Fatjona Dhimitri PD - Gjirokastër
2. Andi Përmeti PD - Korçë
3. Eugen Bojaxhiu LSI - Berat
4. Erion Fiqiri PD - Tiranë
5. Artur Roshi PD - Tiranë
6. Zef Shtjefeni PD - Shkodër
7. Nikolin Staka PD - Shkodër