Partia Demokratike ka denoncuar sot sërish manipulimin e procesit të votimit më 30 qershor nga ana e mazhorancës.
Në një konferencë të përbashkët nga selia blu, ish-deputeti Oerd Bylylbashi dhe përfaqësuesi ligjor i Partisë Demokratike, publikuan dy tabela ku vihet re një manipulim i konsiderueshëm i pjesëmarrjes në votime, por edhe i numrit të votave të pavlefshme.
Sipas demokratëve, këto të dhëna janë të vërteta dhe janë siguruar nga materialet audio dhe video të qendrave të numërimit.
“Grupet e numërimit dhe KZAZ-të kanë manipuluar shifrat që kanë dalë nga numërimi i çdo tavoline. Fletët e votimit janë marrë në grup dhe nuk janë numëruar veç e veç shpeshherë. Ka flet votimi të numëruara jashtë kamerave. Janë plotësuar fletë votimi bosh në tavolinat e numërimit. Në kutitë e votimit janë gjetur fletë pa vula. Kutitë janë mbushur nga komisionerët socialistë”, tha Bylykbashi.
Më tej, ish-deputeti solli me foto disa raste, që sipas PD-së, provojnë manipulimin e votave të 30 qershorit nga mazhoranca.
Po ashtu, PD-ja akuzon kryeministrin Edi Rama, por edhe kryebashkiakun e Tiranës, Erion Veliaj, për presion ndaj administrates shtetërore për pjesëmarrjen në votime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
