Basha iu përvishet kritikëve: Sa humbët kolltuqet s’punuat më për PD

Kreu i Partisë Demokratike Lulzim Basha u është përgjigjur zërave kritikë, të cilët pas humbjes se 25 qershorit kërkuan shkarkimin e tij.

Në një dalje për media nga selia blu, kryedemokrati u shpreh se të gjithë ata që punuar për fitoren e PD meritojnë një bilanc të drejtë dhe të vërtetë. Ndërsa për ata që u ngritën kundër Bashas dhe qe nuk kane punuar asnjë dite për fitoren e kësaj force politike  nuk mund të përcaktojnë dot se ku gabuar.

“Unë marr të gjitha përgjegjësitë për rezultatin. Tani demokratët dhe shqiptarët meritojnë një bilanc të plotë dhe ballafaqim të hapur e të vërtetë, mes atyre që punuan me mish dhe me shpirt për fitoren e Partisë Demokratike dhe atyre që u ngritën kundër sapo humbën kolltuqet. Sa kam gabuar dhe ku kam gabuar nuk e përcaktoj unë, por këtë nuk mund ta përcaktojnë as ata që nuk punuan asnjë ditë për fitoren e Partisë Demokratike. Këtë do ta përcaktojnë demokratët”, tha Basha.