Nisma ‘Thurje’ kallëzim në SPAK për koncesionin e Portit të Vlorës, Soko; Procedurat në kundërshtim me ligjin

Nisma “Thurje” ka dorëzuar sot në SPAK një kallëzim penal për koncesionin e Portit të Vlorës, duke kërkuar hetimin e dy ministrave.

Lidhur me këtë në një deklaratë për mediat Pano Soko u shpreh se qeveria është duke vijuar procedurat në shkelje të ligjit. Sipas tij, një tjetër pikë është dhe ajo e ndryshimit të aksionerëve për të cilën duhet të hetojë SPAK.

Në vitin 2021 qeveria shqiptare shpall koncesionin për Portin e Vlorës i cili ishte një bashkim që kishin marrë pjesë në garë ku numërohen tre konkurrentë dhe u zgjodh një prej tyre. Kur po zgjidhej fituesi Rama del dhe thotë se koncesioni i portit të Vlorës nuk është me fitim dhe ne do i akordojmë në kontratë qiraje. Tani pikëpyetjet këtu janë disa, nëse nuk kanë qenë me fitim atëherë pse do të kishte konkurrencë. E dyta nëse vërtet koncesioni s’del me fitim dhe aty kanë marrë pjesë në garë kompani çfarë ato kanë ditur që insistuan për të marrë pjesë dhe më e rëndësishmja në momentin që kemi ndërhyrje koncensionale duhet të hartohet një e re.

Ne kemi modelin ‘Shqipëria një euro’ që iu bashkua koncesionit të portit të Vlorës do duhej që ta kishte rrëzuar të gjithë këtë koncesionin dhe ta bënte procedurën të gjithë nga e para, por qeveria shqiptare vendosi të vazhdonte procedurën duke i dhënë fituesit dhe një kontratë qeraje kjo në kundërshtim me ligjin. Kjo është pika e parë dhe e dyta është ndryshimi i aksionerëve qoftë aksionerëve në portin e Vlorës dhe ndryshimi i tyre dyshojmë se është krijuar në atë modelin që futen sa për të krijuar modelet dhe më pas largohen, për këtë duhet të hetojë SPAK. Thurja është e vendosur të vazhdojë të gjithë stafetën e denoncimeve që ne kemi bërë. Nisma Thurje është duke i marrë seriozisht të gjitha denoncimet që vijnë në adresën tonë.