Partia Demokratike i ka kërkuar sot Fran Tucit, kryebashkiakut të Fushë-Arrëzit të japë dorëheqjen pasi sipas saj i vëllai i Albert Tucit u arrestua dy ditë më parë, në kuadër të një operacioni të madh kundër kultivimit të drogës në vend.
PD, thotë se dorëheqja e tij është një domosdoshmëri që komuniteti të mos mbahet “peng” nga Rilindja e kriminalizuar.
“Ky lajm tronditi mbarë opinionin qytetar të këtij komuniteti edhe më gjerë. Tashmë është e qartë se Partia Socialiste dhe përfaqësuesit e tyre në institucione të vetmen alternativë që ju afrojnë qytetarëve është lidhja me krimin, trafiqet etj”, citohet nga deklarata.
Sipas PD-së, rilindja i ka promovuar dhe dhënë pushtet të pakufizuar këtyre individëve me rekorde kriminale, ku sipas raportimit në media janë raste të përsëritura të aktivitetit të tyre.
Arben Tuci u arrestua nga Policia me 20 maj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
