Eksperti i Shëndetësisë në PD, Gazment Koduzi i është përgjigjur së fundmi Ministres së Shëndetësisë, Manastirliu pasi kjo e fundit iu përgjigj Bashës për menaxhimin e pandemisë nga qeveria.
Koduzi thotë se Manastirliu gënjen në çdo fjalë që thotë pasi qeveria e ka kthyer mashtrimin ndaj qytetarëve në mjet kryesor komunikimi, dhe ministrja është kampione në këtë fushë.
Ai i përmend Manastirliut faktin se Shqipëria është e fundit në rajon për testimet, mungesën e masave personale mbrojtëse për punonjësit e sistemit shëndetësor, si dhe faktin që për 7 vite, Rama as u kujtua të rrisë pagat në shëndetësi.
Për më tepër Koduzi thotë se plani me 5 pika që prezantoi dhe propozoi sot kreu i PD, Lulzim Basha është serioz dhe konkret.
STATUSI I GAZMENT KODUZI
Qeveria e ka kthyer mashtrimin e qytetarëve në mjetin kryesor të komunikimit. Ogerta Manastirliu është kampione në këtë fushë, sigurisht, pas Edi Ramës. Plani me 5 pika për përballimin e krizës nga pandemia, i prezantuar nga Kryetari Basha sot, është serioz dhe konkret. Ogerta Manastirliu gënjen në çdo fjalë që thotë.
Shqipëria është e fundit në rajon për testimet. Kemi 28 484 testime për 1 milion banorë, seose qeveria paguan për koncesionet, jo për qytetarët.
Masat personale mbrojtëse mungojnë totalisht në kujdesin shëndetësor parësor. 1500 mjekë dhe 6600 infermierë i blejnë me paratë e tyre, sepse qeveria vjedh me tendera sekretë.
Sistemi shëndetësor nuk janë vetëm 2 spitalet COVID. Ne propozojmë bonus 1000 Euro për 4 490 mjekë dhe 12 719 infermierë, që luftojnë përditë me virusin.
Për 7 vjet, Edi Rama i rriti pagat pagat në shëndetësi me 0%. Rritja elektorale 40% është e pamjaftueshme. Rritje reale dhe dinjitoze e pagave do të bëhet nga PD, me 1200 Euro për mjekët dhe 700 Euro për infernierët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
