Partia Socialiste zhvilloi sot në qytetin e Durrësit Asamblenë Kombëtare. Kryesocialisti Edi Rama ka mbajtur një fjalim ku ka folur për fitoren e mandatit të 4 dhe për një reformë në parti.
Lidhur me këtë gazetari Andon Kello bënë me dije se kryeministri ka njoftuar ndryshimin e strategjisë, ku në listën e mbyllur do jenë 1/3 e deputetëve me vetëm një mandat dhe të rinj dhe reja, pjesa tjetër veteranët do jenë në listën e hapur me mandat të rrezikuar, listë ku Rama futi dhe veten.
Rama dhe figurat kryesore të PS do të jenë në listën e hapur të rrezikuar për mandat që do duhet të marrin më shumë vota për të fituar mandatin. Nga Majko te Manja, Peleshi, Spiropli e shumë të tjerë do jenë në listën e hapur duke garuar me njeri-tjetrin për një mandat deputeti në zgjedhjet e ardhshme. Të rinjtë dhe ata deputetë me vetëm një mandat do të jenë në listën e mbyllur.
Me hartimin e listave për zgjedhjet parlamentare të 2025 një ndryshim ishte dhe ai i drejtuesve politikë ku në Tiranë s’do jetë vetëm Veliaj por dhe Spiropali dhe Manastirliu. Në Shkodër vendin e Spiropalit do e marrë Benet Beci, ndërsa në Durrës do të jetë kryebashkiakja Sako duke spostuar Ardian Çelën. Bledi Çuçi do marrë drejtimin e qarkut të Vlorës. Balla do i Japë vendin Ballukut.
Kello bëri me dije se në samblenë e sotme u miratua dhe sekretariati i ri, ku Klosi do të jetë drejtuesi sërish.
Blendi Klosi – Sekretar i Përgjithshëm
Damian Gjiknuri – Sekretar i Organizimit dhe Zgjedhjeve
Evis Kushi – Sekretare e Gruas
Milva Ikonomi – Sekretare e Programit
Zerina Bruci – Sekretare për Diasporën
Romina Kuko – Sekretare e Marrëdhënieve Ndërkombëtare
Roi Bashaj – Sekretar i Rinisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
