Lëvizja Socialiste për Integrim do të mbajë Konventën Kombëtare në 25 korrik. Në një deklaratë për mediat, sekretari i Përgjithshëm, Endrit Braimllari, tha se partia do të riorganizojë të gjitha strukturat për t’u përgatitur për zgjedhjet lokale.
Në respekt të statutit të LSI-së pika 11.28, germa B do të mbahet Konventa Kombëtare e LSI në datë 25 korrik 2022 e thirrur nga kryetarja e saj.
Konventa Kombëtare do të marrë vendime shumë të rëndësishme politiko-organizative që lidhen me aksionin politik të zgjedhjeve vendore të vitit 2023. Gjithashtu do të thellohet procesi i brendshëm zgjedhor lidhur me ngritjen e strukturave drejtuese të LSI, proces ky i penguar prej kushteve të pandemisë gjatë vitit 2020.
Ndërkohë, në LSI është ngritur ekipi qendror i punës për përgatitjen e programit politik dhe ndryshimet statusore në statutin e LSI.
Në kuadër të këtij organizimi, ngarkohen të gjithë drejtuesit politikë në qarqe, delegatët e Konventës Kombëtare të marrin masa për organizimin e strukturave të LSI. Strukturat e LSI do të identifikojnë me shumë prioritet problemet e pafundme që qytetarët kanë në raport me qeverisjen qendrore dhe lokale për t’i bërë ato pjesë të aksionit politik dhe sidomos të programit elektoral për zgjedhjet e vitit 2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
