Lidhur me takimin që ambasadorja e SHBA-ve, Yuri Kim zhvilloi me Enkelejd Alibeajn, duke e etiketuar atë si kryetarin në detyrë të PD, në emisionin "Të Paekspozuarit" në MCN TV, gazetari Armand Shkullaku tha se ambasadorja përfaqëson politikën zyrtare të DASH, që e ka shpallur Berishën non-grata, porse ajo nuk ka të drejtë të shantazhojë dhe kërcënojë një parti politike.
Ndërhyrja qe flagrante. Edhe në raste të tjera, si deklarata e të ngrënit bar. Ambasadorja përfaqëson politikën zyrtare të Biden. Ata e kanë shpallur ish kryeministrin non-grata. Është vendim i tyre, nuk na takon ta gjykojmë. Mund ta komentojmë dhe të themi është i padrejtë.
Por, sa i takon mënyrës si kjo përcillet në vende si Shqipëria, që duket sikur është koloni që një ambasadori i lejohet të bëjë gjithçka.
Një ambasador nuk ka të drejtë të shantazhojë dhe kërcënojë një forcë politike dhe as të bëhet palë në një konflikt, për më tepër të ndërhyjë në një moment që çështja për lidershipin e PD ka marrë udhë dhe gjykata ka marrë një vendim.
Mund ta pyesnim ambasadoren, kush e ka caktuar kryetar të komanduar Alibeajn? Cili forum? Cili organ?.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
