Kryetari i PD-së, Lulzim Basha ka refuzuar të paraqitet në prokurori, duke e cilësuar shkelje ligjore thirrjen nga ana e saj në kuadër të hetimeve për lobimin e PD-së në ShBA nëpërmjet një kompanie ruse.
Përmes një letre dërguar organit të akuzës, kreu i PD-së dhe dy drejtuesit e tjerë demokratë, Arben Ristani dhe Ilir Dervishi, shprehen se në thirrjen e prokurorisë mungojnë faktet e nxjerra nga hetimet, çka e bën atë të paplotë.
“Ju nuk keni parashtruar në njoftimin tuaj asnjë fakt që ka dalë nga hetimet, duke mos plotësuar detyrimet ligjore”, shprehet në letrën e tij kryetari i PD-së, Lulzim Basha.
Kryedemokrati kërkon që prokuroria të plotësojë shkresën e thirrjes, duke deklaruar se është i gatshëm të paraqitet për t'u marrë në pyetje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
