Ndryshimet në qeveri, Rama për kritikët: Hap i madh drejt fitores së qershorit, salinjtë dhe kadrinjtë me gisht në gojë

Kryeministri Edi Rama u është përgjigjur kritikëve pas ndryshimeve në Qeveri.

Në një postim në rrjetin social "Twitter", kreu i qeverisë shprehet se, sot PS ka hedhur një hap të madh drejt fitores së zgjedhjeve të ardhshme lokale.

Rama thotë se salinjtë e kadrinjtë që gjuajnë qeverinë e re nuk e fshehin dot gishtin e mbetur në gojë.

“Oh sa e bukur radha e salinjve e kadrinjve që gjuajnë qeverinë e re, pa e fshehur dot gishtin e mbetur në gojë (edhe njëherë si përherë) S’kanë faj jo, sepse kemi hedhur një hap të madh sot drejt fitores së qershorit tjetër. Qentë lehin më fort kur karvani ecën më shpejt. Krenar për PS”, shkruan Rama.