Një ditë më parë në Shqipëri ishte kancelarja gjermane Angela Merkel, e cila u takua me liderët e Ballkanit Perëndimor në kuadër të Procesit të Berlinit.
Pas vizitës së saj, Presidentja e KE-së, Ursula Von der Leyen gjatë prezantimit vjetor të gjendjes së BE-së në Parlamentin Europian ka deklaruar se do të vizitojë edhe ajo Ballkanin para fundit të muajit.
Para fundit të muajit, do udhëtoj në Ballkan për të përçuar angazhimin tonë për anëtarësimin në BE. Ne ia kemi detyrim këtë të rinjve, që besojnë në të ardhmen europiane. Ne po rrisim investimet në Ballkanin Perëndimor me rreth një të treten e prodhimit të brendshëm bruto të rajonit. Investimi në të ardhmen e Ballkanit është një investim për BE-në.
Një pikë e rëndësishme e fjalimit të Von Der Lejen përpara eurodeputetëve siguria dhe mbrojtja, ku zyrtarja e lartë theksoi nevojën për një Bashkim Europian të Mbrojtjes.
Lajmi i mirë është se përgjatë viteve të fundit, ne kemi filluar të zhvillojë një ekosistem të mbrojtjes europiane. Por ajo për të cilën ne kemi nevojë është Bashkimi Europian i Mbrojtjes. Ne mund të bëjmë shumë në nivel të Bashkimit Europian, por Shtetet Anëtare gjithashtu duhet të bëjnë më shumë. Kjo fillon me një vlerësim të përbashkët të kërcënimeve me të cilat përballemi dhe një qasje të përbashkët për t'u marrë me to. Kompasi Strategjik i ardhshëm është një proces kyç i këtij diskutimi. Dhe ne duhet të vendosim se si mund t'i përdorim të gjitha mundësitë që janë tashmë në Traktat. Kjo është arsyeja pse, nën Presidencën Franceze, Presidenti Macron dhe unë do të thërrasim një Samit mbi mbrojtjen evropiane. Është koha që Europa të ngjitet në nivelin tjetër.
Teksa Europa pret një valë të re refugjatësh për shkak të krizës në Afganistan, Ursula Von Der Lejen bëri thirrje edhe për një politikë evropiane të menaxhimit të migrimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
