Gjatë paradites, kryetari i Partisë Demokratike, Lulzim Basha, u ndal në Laprakë, ku u takua me sipërmarrës të vegjël e të mesëm me të cilët ndau shqetësimet e tyre, por edhe programin e PD për të ndihmuar biznesin.
Basha tha se PD mbështet biznesin për të krijuar alternativen e re ekonomike për Shqipërinë
Dëgjova me vëmendje sipërmarrësit e vegjël të Laprakës. Ata ka nevojë për një politikë që është në shërbim të tyre, kanë nevojë për një qeverisje që jua lehtëson punën, si me lehtësira në infrastrukturë ashtu edhe me politika fiskale.
Ne jemi në krah të çdo sipërmarrësi të ndershëm dhe po punojmë intensivisht për programin e Partisë Demokratike në mbështetje të biznesit, për të krijuar alternativën e re ekonomike për Shqipërinë.
Ne jemi të bindur se lufta kundër monopoleve dhe korrupsionit do të çlirojë energji pozitive në ekonomi dhe do ti japë biznesit frymëmarrjen për të cilën ka nevojë dhe mundësi të jashtëzakonshme për zhvillim.
Ne do të jemi përditë me qytetarët dhe sipërmarrësit, sa më pranë shqetësimeve të tyre, për t’iu ofruar atyre zgjidhjet qe presin nga ne, për të ndërtuar bashkë një të ardhme më të mire për gjithë shqiptarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
