Ministri për Evropën dhe Punët e Jashtme, Ditmir Bushati, ndodhet në një vizitë zyrtare në Bruksel, ku mori pjesë në drekën e punës me ministrat e jashtëm të vendeve anëtare dhe kandidate të BE-së.
Në një deklaratë për mediat Bushati theksoi se gjatë diskutimit me ministrat e jashtëm u diskutua për politikën e zgjerimit.
"U rikonfirmua një mbështetje e qartë për politikën e zgjerimit, për procesin e reformave shtetkonsoliduese në Shqipëri, kryesishtë për Reformën në Drejtësi, për hapat e para të vettingut për luftën kundër krimit të organizuar dhe korrupsionit, për strategjinë e Shqipërisë dhe për rolin e linjëzimit të politikës së jashtme dhe për faktin se Shqipëria sot është më afër se kurrë për një vendimarje për fillimin e bisedimeve për anëtarësim në BE", theksoi Bushati.
Numri një i diplomacisë shqiptare theksoi se puna nuk ka mbaruar dhe i gjithë ky motivim që vjen nga vendet antare të Bashkimit Europian duhet të nxisë të gjitha forcat politike parlamentare për të vijuar më tej me reformat.
Bushati theksoi se procesi i vendimarrjes për fillimin e bisedimeve në BE është dhe duhet të bëj një përparësi kombëtare dhe duhet të dali mbi çdo lloj shrnaje politike dhe mbi çdo llojë paragjykimi partiak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
