Deklaratës së Neritan Cekës se Lulzim Basha duhet të qëndrojë në opozitë dhe të forcohet, drejtuesi i emisionit “Të Paekspozuarit” në MCN TV, Ylli Rakipi dhe analisti Arjan Curri iu përgjigjën duke ironizuar se janë zënë në befasi.
“Si thotë Migjeni, boll me fitore”, u shpreh Ceka, ndërkohë që Curri dhe Rakipi nuk i mbajtën dot të qeshurat dhe shtuan se as Basha nuk e synon fitoren dhe se s’do pranonte edhe nëse do fitonte.
Pjesë nga diskutimi:
Rakipi: Ju e përmendët tre herë Bashën, ai është një lider që ka humbur katër palë zgjedhje. Mos vallë është fitimtar për të humbur.
Ceka: Po ç’më duhet mua të fitojë ai gjithmonë?
Rakipi: Ai nuk ka fituar asnjëherë.
Curri: Që të bëhet rotacion.
Ceka: Këta çunat e mirë që kemi ne në opozitë po i fute në pozitë nesër do bëhen si këta që janë tani.
Rakipi: Ju thoni që të rrinë në opozitë si tani?
Ceka: Të rrinë në opozitë, të forcohen dhe të bëjnë opozitën mirë se këtë se kemi pasur.
Rakipi: Edhe atij kështu i pëlqen.
Curri: Kjo është shumë origjinale, na keni kapur gafil.
Rakipi: Na keni kapur mat.
Ceka: Si thotë Migjeni, boll me fitore.
Rakipi: Edhe atij aty i ka mbetur mendja.
Curri: Edhe kur të fitojë do habitet...
Rakipi: Po s’besoj do pranojë ai edhe po të fitojë. Nuk besoj se do ikë prej aty.
Ceka: Unë do ta mbështes opozitën përjetësisht. Bashën do ta mbështes edhe katër vite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
