Në fjalën e mbajtur në Kuvend, kreu i grupit parlamentar të PD-së së Rithemelimit Gazment Bardhi tha se SHISH është një organizatë shtetërore në shërbim të krimit të organizuar.
“Sot SHISH është një organizatë shtetërore që i shërben krimit të organizuar. Pse nuk i thoni këto ju? Në vend të luftojë krijimin, e të japë informacione parandaluese për SPAK, tenton të marrë informacione brenda SPAK që të furnizojë krimin e organizuar. Këto nuk duhet t’i diskutojmë sepse nuk na qenka fushë e veprimtarisë së Këshillit të Ministrave?!”
Bardhi vuri në dukje se janë bandat ato që vendosin kandidatët e PS në zonat elektorale.
“Ju e dini që nuk ju pyet njeri në zonat tuaja, sepse vendos krimi. Në Durrës kush vendosin, bandat apo deputetet e PS? Vendosin bandat. Në Elbasan kush vendos? I dini këto ju? Patjetër që i dini, por nuk reagoni”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
