Me mbështetjen e Fondacionit “Friedrich Ebert”, deputetë të Kuvendit të Shqipërisë dhe Parlamentit të Maqedonisë së Veriut po forcojnë ekspertizën e nevojshme në procesin e anëtarësimit në Bashkimin Evropian.
Lajmin e bëri të ditur sot kryetari i grupit parlamentar të Partisë Socialiste, Taulant Balla i cili përmes rrjeteve sociale, ndau pamje nga takimi i zhvilluar sot në Durrës.
Ndërsa Shqipëria dhe Maqedonia e Veriut janë gati për fillimin e bisedimeve të anëtarësimit në Bashkimin Evropian, roli i parlamenteve kombëtare në këtë proces merr një rëndësi të veçantë.
Kujtojmë që Bullgaria, si vend anëtar i BE-së, ka përdorur veton kundrejt Maqedonisë së Veriut, duke bllokuar kështu çeljen e negociatave për këtë të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
