Kandidati socialist për zgjedhjet e pjesshme për bashkinë e Kukësit, Albert Halilaj është liruar nga detyra gjatë mbledhjes së sotme të qeverisë, për t’i hapur rrugë garimit.
Zgjedhjet e pjesshme për bashkinë e Kukësit do të mbahen më 24 shtator, pas largimit të kryetarit të zgjedhur Safet Gjici, i cili dha dorëheqjen pas video-skandalit, ku shihej në raporte intime në zyrën e tij.
Vendim
LIRIMIN DHE EMËRIMIN NË DETYRË TË PREFEKTIT TË QARKUT TË KUKËSIT
Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
VENDOSI:
Albert Halilaj, prefekt i Qarkut të Kukësit, lirohet nga kjo detyrë.
Granit Gjana emërohet prefekt i Qarkut të Kukësit.
Ky vendim hyn në fuqi menjëherë dhe botohet në “Fletoren zyrtare”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
