Në ditën ndërkombëtare të demokracisë, kryetari i Partisë së Lirisë, Ilir Meta jep një mesazh me anë të një fotografie të Azem Hajdarit dhe një grupi studentësh të dhjetorit ‘90-të.
Meta thotë se mbrojtja e demokracisë është sot një detyrë patriotike.
Sipas tij, zgjidhja nuk është largimi nga vendi, as nënshtrimi, por përballja me të keqen, që ka kapur për fyti Shqipërinë.
Dita Ndërkombëtare e Demokracisë na gjen sot në betejë dhe në krye të misionit të përbashkët historik: Të shpëtojmë demokracinë nga pengmarrja e një pakice të inkriminuar dhe të korruptuar!
Kjo është beteja jonë, e njerëzve të lirë, të ndershëm dhe punëtorë, e rinisë tonë të mrekullueshme! Koha nuk pret!
Demokracia, Liria dhe Dinjiteti Njerëzor janë të panegociueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
