Manjani: Nëse garancia në një shtet është prokurori, sistemi ka rënë

Ish-ministri i Drejtësisë Ylli Manjani thotë se garancia në një shtet dhe në një shoqëri që pushteti është i pavarur, nuk është prokurori.

Në momentin që garanti është prokurori, shteti ka marrë fund dhe sistemi ka rënë. Garancia është gjykatësi.

Nëse gjykatësi, me ligj përgjohet 24 orë nga prokurori, familja e gjyqtarit, kushërinjtë e gjyqtarit përgjohen 24 orë.

Çfarë thotë prokurori e bën ligj, se nuk ia mban.

Përgjimi i njërës prej pale, nuk është transparencë.

Duke folur në emisionin “Scrolling” të Arian Çanit në MCN TV, Manjani tha se në ligj prokurori ka të drejtë ta përgjojë prokurorin, ndërsa gjyqtari ka të drejtë ta përgjojë prokurorin vetëm në kuadër të një procesi dhe kur e kërkon një prokuror tjetër.