Ashtu siç kishte paralajmëruar, opozita do të zhvillojë në javët e ardhshme protestën e parë për këtë vit. Protesta e parë është parashikuar të mbahet më 27 janar. Vendimi është marrë në mbledhjen e grupit parlamentar të Partisë Demokratike.
Gjithashtu, në mbledhjen e zhvilluar në selinë blu u vendos që deputetët demokratë të marrin pjesë në seancën e parë parlamentare për këtë vit.
Vendimi për nisjen e një sërë protestash kundër qeverisë “Rama” u diskutua që në fund të dhjetorit. Ka qenë seanca e 18 dhjetorit, në të cilën u zgjodh kryeprokurorja e përkohshme, e cila shtyu opozitën të paralajmëronte nisjen e protestave që në ditët e para të vitit.
Seanca u shoqërua me incidente në sallë, por edhe jashtë saj, ku zhvillohej paralelisht një protestë e thirrur nga PD-ja dhe LSI-ja.
Deputetë të opozitës tentuan të bllokonin foltoren e më pas edhe procesin e votimit, veprime të cilat më pas u ndëshkuan me përjashtimin për 10 ditë nga punimet e Parlamentit për disa prej tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
