Partia e Lirisë u bën thirrje votuesve të ushtrojnë të drejtën për të zgjedhur drejtuesit e pushtetit vendor. Në një deklaratë nga selia e partisë, deputetja Erisa Xhixho tha se shembulli i emigrantëve të ardhur ditët e fundit vetëm për ta ushtruar këtë të drejtë duhet të shërbejë si model për të gjithë.
Të nderuar qytetarë, në këtë ditë të rëndësishme për demokracinë thirrja është: Votoni, votoni votoni!
Vota është forca e vetme dhe e vërtetë e qytetarit në demokraci!
Pjesëmarrja dhe vetëm pjesëmarrja do të realizojë ndryshimin e shumëpritur, i cili është sot më afër se kurrë.
Përshëndesim më shumë mirënjohje qytetarët që kanë ushtruar deri tani të drejtën e votës.
Një falënderim i veçantë dhe mirënjohje pa fund për qytetarët e shumtë shqiptarë, të cilët kanë ardhur nga jashtë vendit edhe nga shtete shumë të largëta dhe kanë ushtruar te drejtën e votës.
Shembulli i tyre është një nxitje akoma më e madhe për të votuar masivisht.
Kjo është ditë e madhe për të ardhmen tonë dhe të fëmijëve tanë ndaj të gjithë qytetarët duhet të nxitojnë drejt qendrave të votimit për të votuar.
Të nderuar qytetarë, votoni masivisht sepse vetëm pak orë na ndajnë për të vulosur Ndryshimin dhe fitoren e qytetarisë dhe të dinjitetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
