Ndarja nga jeta e ish-eurodeputetit Kukan/ Basha: Shqipëria humbi një nga miqtë e saj të shquar

Kreu i Partisë Demokratike, Lulzim Basha ka shprehur ngushëllimet për ndarjen nga jeta të ish-eurodeputetit Eduart Kukan.

 Nëpërmjet mesazhi në “Twitter”, lideri demokrat nënvizoi se Shqipëria humbi një mik të madh dhe një mbështetës të vendosur të integrimit tonë në BE.

 “Thellësisht i trishtuar për ndarjen nga jeta të mikut tim të dashur Eduard Kukan. Mendimet dhe lutjet e mia shkojnë për familjen, miqtë dhe kolegët e tij në të gjithë Evropën. Eduard Kukan ishte një europian i madh dhe një avokat i jashtëzakonshëm i procesit të integrimit të Shqipërisë në BE dhe dekriminalizimit, që humbi sot një nga miqtë e saj më të shquar. U preftë në paqe.”