Kreu i PD-së, Basha, ka zhvilluar sot një takim me strukturat e partisë në Gramsh. Basha akuzoi kryeministrin Rama sepo përpiqet të asgjësojë zgjedhjet e lira, pasi sipas tij, ato janë fundi i pushtetit të Ramës.
“Në tre vite Edi Rama ia ka dalë të kriminalizojë shtetin, të kanabizojë Shqipërinë, të rrisë papunësinë, dhe të përqendrojnë në duart e një grushti njerëzish të lidhur me tenderat dhe koncesionet, pasuritë publike të qytetarëve. Përmes krimit, korrupsionit dhe varfërimit të shqiptarëve, Edi Rama po përpiqet të asgjësojë zgjedhjet e lira dhe të ndershme, sepse zgjedhjet e lira dhe të ndershme janë fundi i pushtetit të Edi Ramës”, tha ai.
Basha tha se kriminalizmit i shtetit i ka hapur rrugë kultivimit të drogës në çdo cep të Shqipërisë.
“Edi Rama e ka ditur. E ka bashkë planifikuar me kriminelët që ka vënë në çdo strukturë shtetërore, se kriminalizimi i shtetit do të çonte në kanabizimin e Shqipërisë. E ka ditur dhe prandaj se ka vënë ujin në zjarr sepse për të paratë dhe pushteti është gjithçka që kanë rëndësi. Sepse për të, punë e madhe se ka papunësi, shkoni në emigracion u tha kuksianëve para një viti, punë e madhe se ka varfëri. Po pate varfëri, eja skllav në fermën e drogës së Edi Ramës dhe Saimir Tahirit”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
