Rama në Kosovë viziton familjen e ish-presidentit Thaçi

Kryeministri i Shqipërisë, Edi Rama është duke qëndruar në Kosovë, për shkak të mbledhjes së dy qeverive që do të mbahet sot.

Rama ka shkuar dje për vizitë tek familja e ish- presidentit Hashim Thaçi, në Burojë të Skenderajt.

Teksa u takua me familjarët e ish-presidentit të Kosovës, i cili ndodhet në paraburgim në Hagë, u shpreh i lumtur që e vizitoi Hashim Thaçin në Hagë, madje e konsideroi atë si vëlla.

Hashimi ishte shumë mirë, si me shëndet, por edhe me humor. Lexonte shumë, por edhe stërvitej. Te formulari para se të futesha, shkrova: "Do ta takojë se më ka marrë malli. E kam si vëlla Hashimin".

E sot, kryeministri Rama ka shpërndarë disa fotografi nga ky takim, ku ka shkruar “Mirëmëngjesi dhe me emocionet e vizitës në familjen e Presidentit Thaçi, ju uroj një javë të mbarë”.