Analisti Andi Bushati në emisionin “Të Paekspozuarit”, lidhur me ndërhyrjet e ambasadores amerikane në politikat e PD-së, mendon se ambasadorja Yuri Kim boton foto me të korruptuarit e vendit.
Sipas tij, atë nuk e shqetëson korrupsioni i ditëve të sotme, por më shumë ai i para 10 viteve.
Në raport me detyrën që i është dhënë, ambasadori është për të ekzekutuar detyrat që i janë dhënë nga lart. Ajo duhet të nxirrte Berishën me sa më pak kosto anti-amerikanizmi në këtë vend. A e patë para dy muajsh sondazhin e Euronews? Ka dalë BE në pëlqyeshmëri shumë më lart se SHBA. Kjo ka ardhur nga mënyra si kanë luajtur hipokrizisht diplomatët amerikanë në këtë vend.
E mbani mend krizën e bojkotit të zgjedhjeve lokale në 2019? Palmeri tha zgjidheni këtë punë qetë dhe pastaj e merr Gjykata Kushtetuese. Pritëm një vit, të zbatohej formula e Palmer. Doli Gjykata tha nuk kemi kompetencë ta gjykojmë këtë çështje. Ata që besuan se Palmeri kishte shkopin magjik, u ndjenë të tallur.
Këto kanë bërë që njerëzit të ngrenë pyetjen, po na thonë të vërtetën apo po i shërbejnë një loje të shtrembër?
Kjo zonja nuk ka ditë që nuk boton foto buzagaz me çdo të korruptuar të këtij vendi, që është i njohur që bën tendera. Nuk e shqetëson korrupsioni i këtyre që vjedhin sot, por e shqetëson korrupsioni para dhjetë viteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
