Gjatë fjalimit të mbrëmshëm në Kuvendin Popullor të “Republika Srbska” ku u mbajt seanca e jashtëzakonshme në lidhje me Programin e Reformave në Bosnje dhe Hercegovinë, Ministri i Brendshëm i RS Dragan Lukac sulmoi fizikisht deputetin e PDP, Drasko Stanivukoviq.
Lukaç iu drejtua Stanivukoviqit i cili me disa deputetë tjerë opozitarë solli në sallë të Kuvendit disa flamuj të vegjël të NATO-s, raporton SrbijaDanas.
Flamujt ishin shenjë proteste sepse Stanivukoviq konsideron se Dodiku me nënshkrimin e Programit të Reformave i cili është dërguar në seli të NATO-s e ka anuluar “neutralitetin ushtarak të RS-së”.
Megjithatë, Lukaç kishte mendim ndryshe për flamuj.
“Derisa unë luftoja, mbi kokën time fluturonin aeroplanët e NATO-s. Shikoja a do të më bien bomba mbi kokë. Nuk mundesh ti t’i sjellësh ato flamuj. Në atë kohë ti ke qenë i vogël, por tani do të duhej të dish disa gjëra. Më kurrë mos bën gjëra të tilla sepse do të përfundosh si flamujt”, ka thënë Lukaç.
Më pas Stanivukoviq i afrohet Lukaçit për të marrë sqarim se si do të përfundojë ai, dhe Lukaç ia përplas letrat në fytyrë, e quan majmun dhe e godet.
Pas këtij incidenti seanca ndërpritet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
