Sekretari i Përgjithshëm i Asamblesë Parlamentare të OSBE-së, Roberto Montella, në një letër që mban datën 3 shtator u është drejtuar anëtarëve të Komitetit të Përhershëm duke theksuar se mungesa e një konsensusi për kryetarin dhe drejtuesit e tjerë të institucionit përbën një “sfidë kritike” për organizatën.
Në një postim në platformën “X” nga OSBE, thuhet se në letër u bëhet thirrje parlamentarëve që të mbështesin përpjekjet e OSBE24 Malta (shteti që mban presidencën) në përpjekjet për të zgjidhur ngërçin.
Në letër vihet në dukje se “mungesa e një marrëveshjeje minon besueshmërinë dhe funksionalitetin e organizatës”.
Zyrtarët aktual të OSBE-së po vijojnë të drejtojnë organizatën deri në gjetjen e një zgjidhjeje, pasi dy ditë më parë nuk u arrit konsensusi për zgjedhjen e kryetarit dhe drejtuesve të rinj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
