Ardhja e ministrit të ri të Brendshëm Taulant Balla, në krye të këtij dikasteri, për politologun Ilir Kalemaj, ngre shumë pikëpyetje për mbarëvajtjen e pozicionit në të ardhmen. Kalemaj, thotë në MCN live se ministri i ri vjen me dy çështje në SPAK, teksa problemi nuk është krimi i rrugës, por kanabizimi i vendit, për të cilën ka skepticizëm në goditjen e tyre. Ministri i brendshëm është një super ministra, kemi parë të gjitha formatet e ministrit edhe nga kjo mazhornacë, edhe nga ato të kaluara. Kemi parë ministra politik, si Sokol Olldashi, Saimir Tahiri, fatmir Xhafaj, ne kemi parë edhe ministra teknik si Sandër Lleshi, as ministra teknik as politike po te paktën nuk kanë bërë kryepolicin si Bledi Çuçi. Ka dy anë të medaljes, nga njëra anë janë dritëhijet që ka z.Balla, ka çështjen në SPAK, çështja Toyita Yaris, të cilat mund t’i japin koperturë politike, z.Balla i cili nuk e ka fshehur dëshirën për të qenë ministër, në këto 18 vjet në politikë aktive. Më në fund po e kurorëzon këtë. Nga ana tjetër problemi që ka Shqipëria nuk është krimi i rrugës, por është kanabizimi i vendit, nëse arrin të godas këtë, atëherë do të ishte një mesazh shprese, por rezervojmë të drejtën të jemi skeptik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
