Ministria e Shëndetësisë e Malit të Zi, ka reagur pas publikimit të dokumentit, në të cilin Kosova ishte e shënuar me fusnotë (Kosova*). Këtë shenjë e vendosin vetëm disa vende që ende nuk e kanë njohur shtetin e Kosovës.
Në një deklaratë për mediat, Ministria e Shëndetësisë ka thënë se shënimi i Kosovës me fusnontë në dokumentin zyrtar ka qenë “gabim teknik”.
“Gjatë përgatitjes së tabelës me masat e reja kundër pandemisë COVID-19, ka ndodhur një gabim teknik, me ç’rast Kosova është paraqitur me fusnotë. Menjëherë pasi është vërejtur, shërbimet informative të Ministrisë së Shëndetësisë e kanë përmirësuar gabimin, gjë që mund të shihet edhe në ueb-faqen e Ministrisë së Shëndetësisë dhe në Gazetën Zyrtare të Malit të Zi”, thuhet në një deklaratë të shërbimit për shtyp të Ministrisë së Shëndetësisë.
Sot në një dokument cili u referohet masave të reja kundër pandemisë COVID-19 të publikuar nga mediat në Mal të Zi, Kosova u shënua me fusnotë, gjë që ngjalli habinë e të gjitha insitucioneve vendore dhe atyre të Kosovës. Në të gjitha dokumentet e deritashme zyrtare të Qeverisë malazeze, Kosova është trajtuar në përputhje me vendimin për njohjen e pavarësisë së saj, përkatësisht pa yll në emër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
