Grupit parlamentar demokrat i bashkohen edhe dy deputetë të tjerë

Deputetët Artur Roshi dhe Besnik Troplini i janë bashkuar grupit parlamentar demokrat, duke e çuar në 11 deputetë.

Burimet për TVT.al thanë se me drejtimin e grupit demokrat nga deputeti Muslim Murrizi, pritet që në ditët në vazhdim t’i shtohen edhe deputetë të tjerë.

Kujtojmë se me datë 12 maj, 7 deputetë të grupit parlamentar demokrat, votuan për shkarkimin e Rudina Hajdarit si kryetare e grupit dhe në vend të saj u zgjodh Myslim Murrizi.

Nga 9 deputetë të grupit, e vetmja që ka munguar ka qenë Fatjona Dhimitri, 7 deputetë votuan pro shkarkimit të Hajdarit.

E pranishme në mbledhjen që u shoqërua me debate të forta dhe akuza ka qenë edhe vetë Hajdari.

Arsyeja e shkarkimit sipas deputetëve është mostransparenca për grupin lidhur me atë që po ndodh në Këshillin Politik të Reformës Zgjedhore.

Në fjalën e saj në Kuvend, Rudina Hajdari e shmangu duke mos folur për këtë cështje, por u shpreh se nuk bëhet pjesë e pazareve, pasi është vajza e Azem Hajdarit dhe do ta çojë amanetin e tij deri në fund.

Kjo nuk ishte hera e parë, pasi vitin e kaluar Hajdari u tentua që të shkarkohet nga posti, pasi Korab Lita pretendoi se kishte fituar besimin e deputetëve për të drejtuar grupin, por një gjë e tillë nuk ndodhi pas rikonfigurimit të grupit.