Parlamenti ka miratuar dekretet e presidentit Begaj për ndryshimet e fundit në qeveri. Në seancën e sotme, dekreti për shkarkimin e zëvendëskryeministrit Arben Ahmetaj dhe emërimin e Belinda Ballukut u miratua me 76 vota pro dhe 32 kundër.
Ndërsa dekreti për emërimin e Majlinda Dhukës në postin e ministres së Shtetit u miratua me 76 vota pro.
Në seancën e sotme ishte refuzuar kërkesa e opozitës për debat. Kreu i PD-së, Sali Berisha, akuzoi kryetaren e Parlamentit se u heq deputetëve të drejtën e fjalës me urdhër të kryeministrit dhe në shkelje të rregullores.
Pas votimit, Balluku dhe Dhuka bënë betimin në Presidencë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
