Kryetari i Partisë Demokratike, Lulzim Basha ka reaguar për incidentin e ndodhur ditën e sotme në çadrën e protestës të opozitës, ku gjatë kohës që fliste ish-kryeministri Berisha, një grua ka ndërhyrë duke shpërthyer në sharje dhe ofendime.
Në fjalën e tij nga çadra e protestës, Basha ka bërë përgjegjës për këtë incident kryeministrin Edi Rama, duke e akuzuar se “po i fryn përçarjes kombëtare”.
“Nuk dua të komentoj atë grua. Të gjithë ne pamë fotot e saj, por nuk dua të komentoj paraqitjen e saj. Dua t’i drejtohen Edi Ramës, i cili po i fryn përçarjes kombëtare. Edi Rama të distancohet nga provokimi anti-kombëtar. Rama e solli atë grua për të hedhur farën e përçarjes. Po kështu ndodh, i fryn përçarjes, s’ke kurajë të ballafaqohesh me qytetarët”, tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
