Kryeministri Edi Rama po merr pjesë në Forumin Ekonomik Botëror në Davos dhe gjatë ditës së sotme ai ka zhvilluar edhe takime me liderët të BE-së.
Në Davos, kreu i qeverisë shqiptare u takua me homologun e tij belg Charles Michel, me të cilin diskutoi mbi marrëdhëniet mes dy vendeve.
Kryeministri Rama nënvizoi vullnetin e qeverisë për të hapur negociatat për anëtarësim të Shqipërisë në Bashkimin Europian, ndërkohë që e njohu Kryeministrin belg me hapat e ndërmarra në përmbushje të prioriteteve kyçe e në veçanti me ecurinë e reformës në drejtësi dhe Vetting-un.
Kryeministri Michel përgëzoi kreun e qeverisë shqiptare për arritjet dhe rezultatin në zgjedhje dhe ofroi mbështetjen e vendit të tij për aspiratën europiane të Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
