Analisti Baton Haxhiu, i ftuar në emisionin 'Të Paekspozuarit' në MCN TV, ka deklaruar se opozita shqiptare ndodhet në një situatë të vështirë, duke theksuar se ajo ka humbur narrativën dhe besueshmërinë përballë qytetarëve.
Sipas Haxhiut, përpjekjet për mobilizim përmes protestave nuk kanë dhënë rezultatet e pritshme dhe madje kanë sjellë rënie të pjesëmarrjes, çka sipas tij ndikon drejtpërdrejt edhe në mbështetjen elektorale.
Ai kritikoi gjithashtu mënyrën e organizimit të protestave, duke theksuar se përdorimi i mjeteve të dhunshme si fishekzjarrë apo shishe molotovi largon qytetarët që janë të gatshëm të protestojnë kundër qeverisë.
Në analizën e tij, Haxhiu u ndal edhe te lidershipi i opozitës, duke nënvizuar se mungesa e një “rrëfimi” të qartë dhe bindës është një nga problemet kryesore.
Mendoj se po saturohet opozita në diskurs dhe veprime. Edhe pse duket si energji mobilizuese, rezultati ka qenë i vogël dhe kjo sjell humbje të pjesëmarrjes, që ndikon edhe në votë. Berisha nuk ka rrëfim më dhe nuk është as njeriu, as gjuha, as veprimi që e bën protestën të suksesshme. Duhet të ndërrohet gjithçka që pushtetit t’i lëkunden këmbët. Jemi larg nga ajo ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
