Kandidati për bashkinë e Elbasanit në zgjedhjet e 124 majit, Luçiano Boçi deklaroi se ky qytet i ka të gjitha resurset dhe mundësitë për të qenë një qytet i zhvilluar ekonomikisht.
Ai tha se potenciali gjeografik dhe historik i bashkisë së Elbasanit duhet menaxhuar në mënyrë që ai të mos mbetet si një qytet që shfrytëzohet vetëm për kaluar.
Bashkia e Elbasanit është e pasur nga resurset ekonomike, por një nga më të varfrat. Është bashki që ka një ambient të lulëzuar, por një nga më të ndoturat në Shqipëri sepse industria e rëndë jep pasojat e saj. Elbasani njihet si kontributor në arsim dhe kulturë por e ka humbur tërësisht këtë shkëlqim. Ka resurse që duhen menaxhuar, sepse sot për fat të keq vetëm Tirana dhe Durrësi japin 65% të kontributit ekonomik, ndërsa Elbasani 0, por ky potencial gjeografik e historik i tij duhet shfrytëzuar.
Elbasani është një nga qytetet ku jetohet keq, pa esencën e një bashkie që ofron një mirëqenie normale dhe ky është efekt i një menaxhimi të keq shumë vjeçar. Duam ta ringrejmë sepse ka shumë potenciale dhe çdo drejtues duhet të kishte vullnetin dhe vizionin e mirë për të bërë Elbasanin të jetueshëm. Është bërë një qytet vetëm i kalueshëm, ku nuk qëndrohet dhe është më i braktisuri sot nga të rinjtë dhe që ky Elbasan duhet të kthehet në qendër të zhvillimeve të sotme ekonomike, të bëhet një pol ekonomik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
