Ministrja e Shëndetësisë, Ogerta Manastirliu ka vizituar mesditën e kësaj të diele familjen e cila u plagos në shpërthimin e bombolës së gazit në hotelin e tyre në Velipojë.
Përmes një postimi në “Facebook”, Manastirliu shkruan se mjekët dhe infermierët në reanimacionin e repartit të Djegies-Plastikës në QSUT janë duke u kujdesur në maksimum për familjen e plagosur.
Manastirliu bënë me dije se situata mbetet kritike, ndërsa nëna dhe fëmijët janë duke u trajtuar me terapi të plotë.
“Mjekët dhe infermierët në reanimacionin e repartit të Djegie-Plastikës në QSUT, po bëjnë maksimumin për t’u kujdesur për familjen e lënduar në ngjarjen e rëndë në Velipojë.
Stafi ynë po bën më të mirën, duke e trajtuar nënën dhe fëmijët me terapinë e plotë të mjekimit, por situata mbetet tejet kritike.”, shkruan Manastirliu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
