Ish-deputeti i Partisë Demokratike dhe ish-kryetar i Kuvendit në vitet 91-92, Kastriot Islami, është shoqëruar sot në komisariatin numër dy pasi ka kundërshtuar dhe fyer efektivët e policisë, të cilët e konstatuar pa maskë.
"Policia gjatë kontrolleve per zbatimin e masave anti-COVID ka konstatuar shtetasin K.I pa maskë i cili ka kundërshtuar e fyer punonjësit e policisë te komisariatit numër 2 që i kanë kërkuar kartën e identitetit dhe të vinte maskën. Ne këto kushte ne këto momente ai është shoqëruar në komisariat shtetasi K.I për veprime të mëtejshme", thotë policia.
Për këtë ngjarje nuk ka vonuar as reagimi i Edi Palokës, nënkryetarit të PD-së, i cili shkurtimisht i drejtohet kryeministrit Rama me këto fjalë: “Hakmarrës i vogël e i neveritshëm. Ja per çfarë e përdor policinë...”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
