Gazetari Andi Tela në emisionin ‘Të Paekspozuarit’ në MCN TV përballë Blendi Kosit i ka kërkuar një sqarim pse Partia Socialiste nuk ka bërë asnjë reagim pas intervistës së ish zv.kryeministrit Arben Ahmetaj.
Tela tha se publiku, qytetarët kanë nevojë për një shpjegim i cili nuk erdhi asnjëherë, ndërsa u shpreh se PS e ka kthyer në një tabu mosreagimin për të tilla çështje.
U bëmë 12 ditë që Arben Ahmetaj ka folur për shumë aspekte të qeverisjes dhe unë nuk dua të pyes pse nuk reaguat sepse kjo u pa dhe vetëm dje reagoi kryeministri por dua të di se si funksionon dhe si e përcillni mesazhin që asnjë të mos flasë. Si funksionon shpërndarja e mesazhit që për këtë çështje nuk flasim por e keni kthyer si një tabu. Publiku ka nevojë për një shpjegim, ne po ashtu, qytetarët po ashtu. PS thotë që fajin e ka Ben Ahmetaj.
Si përgjigje Klosi tha se parimi i PS-së është që të mos ndërhyjnë në çështjet e gjyqësorit, në çështjet që ka në lidhje me organet e drejtësisë.
Jo vetëm për këtë çështje por për të gjitha çështjet kemi një parim që nuk ndërhyjmë në çështjet e gjyqësorit. Mund të prisnin jo 12 ditë por 120 ditë dhe nuk do kishte asnjë reagim. Shpjegimi ynë do të vinte nëse s’do të kishte lidhje me organet e drejtësisë. Gjërat që kanë lidhje me organet e drejtësisë nuk do të ketë ndonjë reagim nga ne. Unë nuk përpiqem tani që t’ju ndryshoj mendim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
