Deputeti demokrat Edmond Spaho në një intervistë për MCN TV ka komentuar lidhur me rrëzimin e kërkesës së tyre për ngritjen e një komisioni hetimor për portin e Durrësit për të cilin u shpreh se maxhoranca e rrëzoi pa asnjë argument. Ai tha se sipas ligjit parashikohej se duhej ky komision për Portin e Durrësit, por që sipas tij dhe në këtë rast kemi të bëjmë me një abuzim të pushtetit.
Nuk është hera e parë që maxhoranca vepron me arbitraritet dhe nuk lejon ngritjen e komisioneve hetimore e cila lejon opozitën për të kontrolluar punën e qeverisë. Kështu ka vepruar dhe me rastin e McGonigal apo fluturimet e Ramës me avion privat dhe për Portin e Durrësit i njëjti qëndrim dhe i njëjti ‘argument’ sepse kushtetuta e ka të qartë që kuvendi është i detyruar të ngrejë komisionin hetimor kur një numër i caktuar deputetësh e kërkojnë atë. Edhe ligji për komisionet hetimore të njëjtën gjë përcaktojnë.
Vendimet që gjykata kushtetuese ka marrë në harkun e shumë viteve është e qartë se komisioni duhet të ngrihet, por këtu kemi të bëjmë me abuzimin e pushtetit nga maxhoranca që kur dua unë e ngremë komisionin dhe kur nuk dua unë jo, pra kemi të bëjmë me një abuzim nga maxhoranca që sillen si diktaturë e mirëfilltë dhe gjejnë argumente qesharake që do të rishikohet ligji. Ne duam të kontrollojmë punën e qeverisë. Çështja e portit të Durrësit nuk është ngritur vetëm nga opozita por dhe nga Komisioneri evropian dhe së fundmi komisioneri për zgjerim na u përgjigj me një letër që shqetësimi është real dhe që BE po e ndjek me vëmendje.
Madje shtoj se një kredi për zgjerimin e portit ekzistues është ndryshuar për shkak të ndryshimit të planeve nga ana e qeverisë. Dhe një kompani gjermane që veprion në portin e Durrësit e ka hedhur qeverinë në arbitrazh për shkelje të detyrimeve kontraktore, pra këto janë çështje serioze me kosto të madhe financiare duke e lënë vendin pa port për ekstravagancat e kryeministrit për të ngritur në Portin Durrës komplekse banimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
