Procesi i votimit për Primaret në Bashkinë e Durrësit po ecën qetë dhe ka nisur sipas axhendës së caktuar.
Këtë fakt e pohojnë dhe dy kandidatët e PD-së në një deklaratë për mediat të cilët i bënë thirrje qytetarëve të votojnë.
Igli Cara tha për mediat se në 14 maj, PD do të jetë më e bashkuar dhe më e fortë.
Procesi i Primareve është një risi për PD-në. Sot fjalën e kanë demokratët, pas procesit do të kem një deklaratë, e rëndësishme është që procesi të jetë i rregullt, mbi të gjitha të ketë pjesëmarrje. 14 maji do të çojë më të bashkuar dhe më të fortë.
Ndërkohë kandidati Armand Dervishi u shpreh se vetëm bashkimi mund të sjellë ndryshimin.
Përshëndes qytetarët e Durrësit, anëtarët, të pranishmit dhe votuesit që morën pjesë në votime. I bëj thirrje të vijnë të votojnë të gjithë. Duhet të bashkohemi dhe të jemi së bashku për të sjellë ndryshimin. Procesi po shkon qetë, dhe besoj se kështu do të jetë dhe në orët në vjim. Vetëm së bashku do sjellim ndryshimin që Durërsi meriton.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
