Shehaj: Rama nuk e vjedh dot PD-në, ne do vijojmë opozitën

Deputeti Agron Shehaj i ftuar në emisionin ‘Të Paekspozuarit’ në MCN TV deklaroi se tentativa e Ramës për të "vjedhur" partinë do të dështojë.

Ai tha se ata do të vijojnë me opozitën dhe do të tregojmë se makinacionet e Ramës nuk do të ketë ndikim.

Është e qartë se ka një strategji nga ana e qeverisë. Partinë nuk e vjedhin dot, anëtarësinë, militantët, nuk i vjedhin dot. Është tentativë për ta vënë në vështirësi. Ne do të vijojmë të bëjmë opozitë. Edi Rama kontrollon drejtësinë dhe ka kapur të gjithë pushtetet. Fakti që nuk merret vendimi është në favor të Ramës. Ne do të vijojmë opozitën dhe do të tregojmë se makinacionet e Ramës nuk do të ketë ndikim. Ne do vazhdojmë të bëjmë opozitën, protestat, nuk do marrim armët. Mendoj se nuk i kemi ezauruar të gjitha instrumentet demokratike, nuk jemi në momentin për të gjykuar për armët.